Како изгледаат градинките во Кина: Децата готват на печки на дрва, мешаат малтер

Деца од градинка сами мешаат малтер и градат шпорети за готвење. Сами носат дрва и палат оган, сечкаат месо со нож и сами си ја подготвуваат храната. Видеата од кинеска градинка го обиколија светот.

Често на социјалните мрежи се споделуваат видеа од училиштата и градинките во Кина, заради кои ни се чини дека таа земја е во целосно нова димензија, и практично ни е несфатливо како е возможно нивните деца да се толку понапредни од нашите.

Ако во повеќето од нашите градинки дневниот престој се состои од учење на теоретски знаења, спиење и игра, Кинезите во нивните установи вовеле сосема поинакви програми што треба да ги оспособат децата од најмали нозе да бидат подготвени за реалниот живот.

Така на видеата што кружат на социјалните мрежи, може да се види дека овие деца во Кина од најмала возраст се учат на интересни животни вештини.

Сами мешаат малтер, ѕидаат печки, на кои потоа сами ќе си ја приготвуваат храната...

А подготвувањето на храната е приказна сама по себе. Може да се видат мали дечиња како со нож сечкаат месо и состојки, ставаат дрва во оган, и сами готват...

Инаку видеата кои импресионираа многумина се снимени во градинката Xu Hai Road, во провинцијата Џиангсу, а целта на тамошниот образовен кадар била да се воведе образовна програма преку која ќе им се овозможи на децата да поминуваат колку е можно повеќе време надвор и да се стекнуваат со практични вештини.

Должностите на секое дете се избрани според неговата височина, а по оброкот, тие треба сами да си ги измијат садовите, па да се занимаваат со некои од другите активности, кои вклучуваат: шиење, везење, ѕидање итн.

Според пишувањето во кинеските медиуми, воведувањето на ваквиот тип настава довела до големи подобрувања кај децата, во позитивна насока и се забележува дека тие се многу повеќе подготвени да го искусат животот и да бидат вклучени во секојдневните активности.

Погледнете дел од видеата:

@michael26457

Wie es ist, in China in den Kingdergarten zu gehen #tiktokusa #usa

♬ Suspense, horror, piano and music box - takaya

Б. С. Б. | Црнобело