Детали од секојдневието на Индијците што им се чудни на туристите

Околу 11% од целото злато во светот е во сопственост на Индијките кои обично го наследуваат од нивните мајки и баби.

Иако се соочува со бројни проблеми, Индија е навистина фасцинантна земја.

Со богата историја и култура и уникатен начин на живот, Индија дефинитивно се истакнува.

Неколку детали од секојдневието на Индијците што го потврдуваат ова:

Низ улиците шетаат крави

Во Индија, кравите се свети животни, па можете да ги сретнете низ улиците дури и во поголемите градови.

Загадувањето на воздухот е сериозен проблем

Ова е нешто што и нам во Македонија ни е многу добро познато.

Минатата година, Индија беше трета на листата со држави со најзагаден воздух.

Главно воздухот е загаден од индустријализацијата, како и автомобилите и другите превозни средства.

Жените во Индија поседуваат 11% од целото злато во светот

Факт е дека Индија е сиромашна земја, но е втората најнаселена држава во светот, во која сепак има и многу богаташи.

Но, покрај богатите жени, дури и сиромашните може да поседуваат по некое парче злато.

Неретко раскошниот накит што го носат Индијките е направен токму од злато.

Овде, девојките го наследуваат златото, вклучувајќи го и накитот, па по неколку генерации тоа се акумулира.

Над 20% од жителите се вегетаријанци

Постои мит дека Индија е вегетаријанска земја каде што мнозинството од населението не јаде месо.

Иако ова не е точно, бројот на вегетаријанци сепак е огромен – се проценува дека помеѓу 23% и 37% од населението не јаде месо.

Ова ја прави Индија земјата со најмногу вегетаријанци, како и држава со најмала консумација на месо по жител.

Овој начин на исхрана потекнува од хиндуизмот – многу верници сметаат дека месото е нечисто и дека сите живи суштества се свети и не треба да се убиваат.

На популарните места има многу питачи

Индија е сиромашна земја и питачите се честа појава, особено на места кои се популарни за туристите.

Жално е што питачите неретко се мали деца.

Продолжува на следната страница...