12 бонтон правила што можеме да ги научиме од Британците

Не поставувајте лични прашања и немојте да одите преку ред, дури и ако „само сакате да прашате нешто“.

Во Британија, веројатно под големо влијание од кралското семејство, се негуваат традиции стари со векови.

Овде спаѓаат и некои бонтон правила со кои луѓето покажуваат почит и учтивост.

Дел од британските бонтон правила што треба да ги применуваме почесто:

Немојте да доцните

Иако сите го знаеме ова правило, вреди да се повтори.

Некогаш е дозволиво да задоцните десетина минути, но внимавајте тоа да не се случува често.

Кога доцните, секогаш им ги расипувате плановите на другите, па добро организирајте си го времето.

Кажувајте „те молам“, „благодарам“ и „извини“

Овие три фрази прават огромна разлика во комуникацијата со другите.

Кога барате нешто, дури и од блиска личност, секогаш кажете „те молам“, а кога некој ќе ви направи услуга, не заборавајте да се заблагодарите.

Ако, пак, направите грешка или каков било пропуст, не ве чини ништо да кажете „извини“.

Не поставувајте многу лични прашања

Кога сте со најблиските, разговарајте за што и да сакате.

Но, кога разговарате со нов познаник и слично, никогаш не поставувајте лични прашања.

Ако некој сака да сподели нешто лично со вас, самиот ќе ви каже. Вие не мора да „душкате“.

Кога јадете, држете ја виљушката во истата рака

Кога ја сечете храната, најверојатно, потсвесно ја користите доминантната храна. А, кога земате залак, ако сте како повеќето, ја префрлате виљушката повторно во доминантната рака.

Според британскиот бонтон не треба да го правите ова.

Односно, држете ги ножот и виљушката додека за вршите со јадење. Единствено спуштете ги во чинијата ако сакате да се напиете нешто.

Сечете само по еден залак од храната

Кога јадете со нож и виљушка, немојте прво да си ја исечете целата храна, па да јадете.

Ова е во ред само за мали деца, кога родителите им ја сечат храната.

Внимавајте како го оставате приборот кога ќе завршите со јадење

Постојат безброј правила за тоа како се поставува приборот на маса, но не мора да ги знаете сите.

Единствено внимавајте кога ќе завршите со јадење, да го ставите приборот во чинијата, а не каде било на масата.

Продолжува на следната страница...