Работи кои НЕ треба да му ги кажете на некој кој тагува за смрт на сакана личност

„Силен/а си, ќе издржиш“

Кога ќе изгубиме некој, немаме избор освен да бидеме силни и да се справиме со смртта.

Немојте да кажувате ни работи како „Не знам како издржуваш“ или „Инспирација си што се држиш добро“.

Наместо тоа, подобро кажете дека личноста ја има вашата поддршка.

Прашања за тоа како починала личноста

Факт е дека ние луѓето сме љубопитни, но постои време и место за некои прашања.

Кога некој ќе загуби сакана личност, немојте да го прашувате како починала, најмалку на погребот.

Дозволете ѝ на личноста да се справи со загубата, па ако сака ќе ви открие што се случило.

„Не плачи“

Немојте да велите дека починатата личност не би сакала нејзините сакани да плачат и да бидат тажни.

Со ова никако нема да помогнете, туку само може да предизвикате гнев.

Нема ништо погрешно во плачењето, особено кога сме соочени со тежок период, како смртта на сакана личност.

Наместо тоа, речете ѝ на личноста дека треба да се исплаче ако сака и понудете ѝ прегратка.

„Млад/а си…“

Во случај кога некој ќе изгуби партнер или, пак, дете, никако немојте да го кажувате ова.

Само затоа што личноста е млада, не значи дека веднаш ќе ја преболи смртта и ќе најде нов партнер или ќе добие ново дете.

Ова е најлошата фраза што можете да ја кажете бидејќи ја банализирате загубата и кажувате дека некој друг може да ја замени починатата сакана личност.

Спирова С. | Црнобело