„Отровот е во твојата глава“: Мудра кинеска приказна за снаа и свекрва

„За целосно да избегнеш каков бил сомнеж, мора да го контролираш својот гнев, да научиш да почитуваш, да сакаш, да слушаш и да бидеш трпелива. Тогаш никој нема да се сомнева во тебе кога твојата свекрва ќе умре“...

Во древна Кина, кога некоја девојка ќе се омажела, одела да живее во домот на нејзиниот сопруг за да им служи нему и на неговата мајка.

Истото се случило и со девојка која по нејзината венчавка почнала да живее со сопругот, но не може да ги поднесе постојаните критики и малтретирања од нејзината свекрва.

Затоа, решила да се ослободи од неа.

Девојката отишла кај тревар кој бил пријател на нејзиниот татко, па му рекла:

„Не можам повеќе да живеам со свекрва ми. Таа ме полудува. Можете ли да ми помогнете? Добро ќе ви платам“.

„Што можам да направам за тебе?“, ја прашал мажот.

„Сакам да ми продадете отров. Да ја трујам свекрва ми и да се ослободувам од сите проблеми“, му одговорила девојката.

По долго размислување, човекот ѝ одговорил:

„Добро, ќе ти помогнам. Но, треба да разбереш две работи. Прво, не можеш веднаш да ја отруеш свекрвата, бидејќи луѓето ќе се посомневаат што се случило.

Ќе ти дадам билки кои постепено ќе ја убијат за никој да не помисли дека е отруена.

Второ, за целосно да избегнеш какво било сомневање, мора да го контролираш својот гнев, да научиш да почитуваш, да сакаш, да слушаш и да бидеш трпелива.

Тогаш никој нема да се сомнева во тебе кога таа ќе умре“.

Девојката се согласила на се, ги зела билките и почнала да ги става во јадењето на свекрвата.

Освен тоа, научила да се контролира, да ја слуша и да ја почитува.

Кога свекрвата ја забележала промената во однесувањето на нејзината снаа, ја засакала со целото свое срце.

На сите им кажувала дека ја има најдобрата снаа, онаква каква што една свекрва само може да сонува.

По шест месеци, нивната поврзаност станала толку голема, што станале блиски како мајка и нејзината ќерка.

Еден ден девојката отишла кај треварот и почнала да го моли:

„Спаси ја свекрва ми од отровот што ѝ го давав. Не сакам да ја убијам. Таа стана најпрекрасната свекрва, а јас ја сакам“.

Билкарот се насмевнал и ѝ одговорил:

„Не грижи се, не ти дадов никаков отров. Тоа што ти го дадов беа само зачини.

Отровот беше само во твојата глава, а ти самата се ослободи од него“.

Извор / фото: Freepik.com