Кои се 5-те фази на тагување и како да си помогнете кога ви е најтешко?

Тагувањето е нормална реакција на загуба, но може да предизвика емоции кои не ги очекувате, како гнев и страв, па добро е да бидете свесни за фазите на тагувањето, со цел подобро да ги разберете своите чувства.

Тагувањето е нормална реакција кога ќе ги изгубиме некого.

Може да се опише како емоционална болка која некогаш е пресилна, но и која може да биде придружена со други емоции кои не секогаш се очекувани, како гнев, неверување, па и вина.

Тагувањето може да има влијание и врз физичкото здравје бидејќи го отежнува спиењето, влијае врз апетитот, а неретко и врз рационалното размислување.

Справувањето со смртта на блиска личност е еден од најголемите предизвици со кои луѓето можат да се соочат и доколку сте во ваква ситуација, важно е да побарате помош и поддршка.

Што треба да знаете за тагувањето и како да си помогнете во најтешките мигови?

Главни митови поврзани со тагувањето

Мит 1: Болката ќе помине побрзо ако не ја игнорирате.

Долгорочно, игнорирањето на болката може да ви ја влоши ситуацијата. За вистински да закрепнете, треба да се соочите со болката.

Мит 2: Мора да бидете силни

Не треба да глумите дека сте силни во мигови кога тагувате. Нормално е да се чувствувате тажно и не треба да ги потиснувате вашите чувства.

Мит 3: Ако не плачете, тогаш не тагувате

Секој реагира различно кога тагува – некои луѓе плачат многу, а некои нема да пуштат ни солза. Ако вие не плачете, воопшто не значи дека не тагувате за загубената личност.

Мит 4: Со текот на времето ќе ја заборавите загубата

Никогаш нема да ја заборавите загубата на сакана личност, но со текот на времето ќе ја прифатите и ќе научите да живеете со неа.

Како да се справите со тагувањето?

Тагувањето е неизбежен дел од животот и има начин како да со помогнете во ваквите мигови.

Неколку совети што ќе ви бидат од корист:

- Бидет свесни за вашата болка и не ја игнорирајте.

- Прифатете дека тагувањето може да предизвика и низа други емоции кои не сте ги очекувале.

- Разберете дека сите луѓе тагуваат различно и нема „правилен“ или „погрешен“ начин.

- Побарајте поддршка од вашите сакани, но и професионалец ако имате потреба.

- Водете грижа за физичкото здравје.

- Бидет свесни за разликата помеѓу тагување и депресија – тагувањето е нормална реакција, додека депресијата е нарушување кое бара стручна помош.

Кои се петте фази на тагување?

Во 1969 година, психијатарот Елизабет Киблер-Рос претставила концепт познат како „петте фази на тагување“.

Користејќи го своето искуство со нејзините пациенти, таа сфатила дека повеќето од нас минуваат низ пет фази пред да ја надминат и прифатат болката.

Петте фази на тагување:

Негирање: „Ова не може да ми се случува мене“.

Гнев: „Зошто се случува ова? Кој е виновен?“

Преговарање: „Ако ова не се случува, ќе направам…“

Депресија: „Премногу сум тажен/а да правам што било“.

Прифаќање: „Се помирив со она што се случи“.

Добро е да бидете свесни за петте фази бидејќи нема да се чувствувате збунето кога ќе имате други емоции освен тага.

Истовремено, важно е да знаете дека не секој минува низ петте фази пред да ја прифати болката, ниту, пак, сите минуваат низ фазите по ред.

Односно, можно е да чувствувате само гнев пред да ја прифатите загубата, или можно е да чувствувате депресија, па гнев, па прифаќање или која било друга комбинација.

Целта на д-р Киблер-Рос е да ги претстави петте можни фази на тагување со цел луѓето подобро да ги разберат своите емоции.

Не постои еден начин на тагување бидејќи сите сме различни.

Тагувањето може да биде како ролеркостер

Сосема нормално е да почнете да се чувствувате подобро, за веќе следниот ден повторно да бидете депресивни поради загубата.

Процесот на тагување не е линеарен и нормално е да чувствувате нагли промени на емоциите.

Со текот на времето, овие промени ќе стануваат пократки и поретки, за на крај да се помирите.

Но, сепак, во одредени моменти, како на пример роденденот на личноста што сте ја загубиле, нормално е повторно да се вратат емоциите како тага.

Симптоми на тагување

Иако, како што веќе спомнавме, секој тагува различно, некои симптоми се јавуваат кај повеќето.

Постојат емоционални и физички симптоми на тагување.

Емоционални симптоми:

• Шок и неверување
• Тага
• Чувство на вина
• Чувство на страв
• Гнев

Физички симптоми на тагување:

• Замор
• Гадење
• Намален имунитет
• Дебелење или слабеење
• Болки по телото
• Несоница

Не треба да се изолирате

Неретко луѓето кои тагуваат се повлекуваат, не ја споделуваат својата болка и се изолираат.

Но, ова може да биде контрапродуктивно и да ви ја влоши состојбата.

Во ваквите моменти, особено е важно да не се изолирате:

- Побарајте помош од пријателите и членовите на семејството.

- Прифатете дека на вашите блиски може да им биде чудна целата ситуација, особено ако самите не се соочиле со загуба. Но, тоа не значи дека не сакаат да ви помогнат.

- Свртете се кон вашата вера доколку сте религиозни.

- Разговарајте со терапевт.

Спирова С. | Црнобело