Танцувачка пауза од работа

Кој рече дека ноќта е најдоброто време за забава? Излегувате, пиете, играте и се прибирате дома во ниедно време за наутро да одите на работа...

...со ужасна главоболка...

Затоа во Шведска почнаа да излегуваат токму на пауза од работа.

Наместо бдеење пред кафемат или трчање до пекара и назад, во Стокхолм на пладне започнува едночасовна забава. Првиот Lunch beat е одржан на паркинг во јуни 2010 година и тоа со само 14 луѓе. Малата група си поминала толку убаво што новото движење брзо прерасна во локален феномен проширувајќи се и во десетина други шведски града.

Забавата е премногу кратка, па нема време за срамежливо премислување. Доаѓате и играте! Секој може да организира ваков настан ако ги следи основните правила. Пред сѐ мора да играте, а ако не сакате да се вклучите воопшто и не се појавувајте таму. Организаторот треба да обезбеди музика и храна за никој да не се врати на работа прегладнет. Најчесто се служат сендвичи во вредност на наплатените влезници и не постои трка за голем профит, само заедничка желба за голема забава.

Велат дека атмосферата на необичните танцувачки собиранки е фантастична, сите се спријателуваат и релаксирани го продолжуваат работниот ден, па по Шведска идејата се прифаќа насекаде во Европа. Се прашуваме дали ова би успеало и кај нас, особено што сите се трезни и правилата забрануваат сеирџии...