10 работи што ги правиме сите, но треба да престанеме

Дали чувате млечни продукти на вратата од фрижидерот? А, дали некогаш сте го дезинфицирале сунѓерот за садови?

Некои работи сме ги научиле уште многу одамна, па не ни помислуваме дали се ефикасни или штетни.

Поради ова, постојат бројни штетни навики кои ни се заеднички на сите.

Десет работи што ги правиме сите, но не треба:

Ставате тоалетна хартија на школката во јавен тоалет

Ова е трик што несомнено им е познат на сите девојки и сите го направиле барем еднаш. Но, тоалетната хартија не ви нуди апсолутно никаква заштита од бактериите на школката.

Тоалетната веднаш ќе се накисне ако школката е влажна, па бактериите сепак стапуваат во контакт со вашата кожа.

Во јавен тоалет кој е нечист, најбезбедно ви е воопшто да не седнувате на школката.

Ставате повеќе детергенти за облеката да биде почиста

Ако ставите повеќе детергент, облеката нема да се исчисти повеќе. Напротив, може да направи дамки на облеката, но и да се наталожи во машината, па да треба почесто да ја чистите темелно.

Секогаш следете го упатството на амбалажата на детергентите и пуштете ја облеката на соодветната програма на машината за да се исчисти најдобро.

Пуштате вода без да ја затворите тоалетната школка

Кога пуштате вода во школката, чистата вода се меша со валканата, па се распрснуваат ситни капки вода со бактерии.

Затоа, секогаш затворајте го капакот.

Не го дезинфицирате сунѓерот за садови

Од влагата, на сунѓерот лесно се размножуваат бактерии, па важно е да го дезинфицирате. Во спротивно, бактериите ќе завршат на садовите.

Можете да го дезинфицирате сунѓерот во микробранова печка, но важно е во него да нема ништо метално и да биде накиснат со вода – ако е сув може да се запали.

Оставете го во микробрановата околу една минута и внимавајте кога ќе го вадите бидејќи ќе биде жежок.

Ако не сте сигурни дали во сунѓерот има метал или трикот ви делува ризично, побезбедно и исто ефикасно е да го дезинфицирате во мешавина од вода и оцет – оставете да кисне 10-тина минути, па добро исплакнете го.

И, препорачливо е да го менувате на секои две-три недели.

Не ја организирате храната во фрижидерот

Ако добро ја организирате храната во фрижидерот, тогаш и ќе ви трае подолго.

Никогаш не оставајте отворени садови со храна внатре бидејќи во неа лесно ќе влезат бактерии, но и ќе се разнесат од неа.

Исто така, спакувајте ги овошјето и зеленчукот бидејќи во случај нешто да се расипе, бактериите ќе се разнесат насекаде.

Продолжува на следната страница...