Контроверзен боксер, 11-годишно девојче: Најбогатите јутјубери во 2025 година

KSI

Јутјуберот KSI, чие вистинско име е Олајиде Олајинка Вилијамс, има три Јутјуб канали што ги следат вкупно околу 44 милиони корисници.

Неговото богатство, пак, се проценува на околу 100 милиони долари.

31-годишниот јутјубер најпрво снимаше видеа со видеоигри, но потоа почна да се фокусира и на други области, како спортски активности и натпревари со други јутјубери.

Притоа, тој е музичар и професионален боксер, што му носи дополнителна заработка, покрај Јутјуб.

Dude Perfect

Зад овој канал стојат пет јутјубери – близнаците Кори и Коби Котон (37), Коди Џоунс (36), Гарет Хилберт (37) и Тајлер Тони (36).

Тие се пријатели од детството кои го почнаа каналот снимајќи забавни видеа кои им помогнаа да стигнат до 60 милиони следбеници на каналот.

Секој од нив посебно можеби не би се нашол на листата, но богатството што го заработиле заедно се проценува на околу 100 милиони долари.

Како останатите јутјубери, и тие прават договори со брендови, а имаат и свои продукти што им ги продаваат на фановите.

Џејк Пол

Џејк Пол е брат на јутјуберот Логан Пол (што го спомнавме погоре). Како брат му, и тој важи за контроверзен лик чија популарност само се зголемува.

И тој е професионален борач кој се има борено против некои од најпознатите борачи во САД, а ова, заедно популарноста на брат му, му помогна да стекне светска салва.

Каналот на 28-годишниот јутјубер го следат над 20 милиони корисници, а неговото богатство се проценува на околу 100 милиони долари.

Тајлер Блевинс

Ричард Тајлер Блевинс, попознат како Ninja, се прослави во 2017-та на платформата Twitch каде што во живо ја играше играта Fortnite, а ова му донесе и популарност на Јутјуб.

Тој е меѓу првите јутјубери кои се прославиле со помош на видеоигри и денес неговиот канал го следат околу 24 милиони следбеници.

Богатството на 34-годишниот гејмер се проценува на околу 100 милиони долари.

Феликс Кјелберг

Феликс Кјелберг, попознат како PewDiePie, е уште еден пионер во видеата со видеоигри. Слично како Ninja, и тој објавуваше видеа со видеоигри, а поради забавните коментари, брзо стекна популарност.

Денес неговиот фокус не се видеоигрите, но сепак си ја задржа популарноста, па моментално го следат околу 110 милиони корисници.

Богатството на 35-годишниот јутјубер се проценува на околу 45 милиони долари.

Спирова С. | Црнобело