Од војник до ѕвезда: Која е трансродовата жена што меѓу првите го променила полот со операција?

Во 1950-тите, никој не ни знаел дека постои операција за промена на полот. Па, токму затоа, Кристин Јоргенсен станала вистинска сензација откако се дознало дека примала хормонална терапија и хируршки си го променила полот.

Записите за трансродови личности датираат уште од древното минато. На пример, во Тајланд и на Индискиот Потконтинент илјадници години постојат изрази за мажи со женствени карактеристики.

Но, промената на полот со хормонална терапија и операција е нешто од помодерно време.

Моментално, Кејтлин Џенер е една од најпознатите трансродови личности, но пред повеќе од половина век, друга трансродова жена била во центарот на вниманието.

Кристин Јоргенсен, родена во 1926-та како Џорџ Вилијам, е меѓу првите кои примале хормонална терапија и направиле операција за промена на полот.

И, со оваа драстична промена на целиот свој идентитет, Кристин била вистинска сензација во родната Америка.

Кристин била родена во Њујорк, а нејзините родители бие доселеници од Данска.

Има изјавено дека нејзиното детство било нормално и среќно, но уште тогаш почнала да се чувствува како „девојче заробено во машко тело“.

По завршувањето на средното училиште, на 19-годишна возраст, Кристин се приклучила на американската војска.

Кога се вратила дома, Кристин дознала дека постои операција за промена на полот. Одлучила дека ќе оди во Копенхаген за да дознае повеќе за операцијата и, надежно, да ја направи.

Овде го запознала доктор Кристијан Хамбургер – ендокринолог и експерт за хормонална терапија.

Докторот ѝ кажал дека е трансродова личност и ѝ препишал соодветна хормонална терапија за да може да ја почне транзицијата.

Тој ѝ направил и неколку операции за промена на полот, по што таа почнала да го користи името Кристин во негова чест.

Кристин наводно не сакала никој да знае за нејзината транзиција. Но, во 1952 година, весникот New York Daily News ја разоткрил, објавувајќи писма што таа им ги праќала на родителите.

Продолжува на следната страница...