Coca Cola ја донесе божиќната магија – рекламата повторно со AI, делува како бајка од Disney филмовите (видео)

Панди, фоки и други животни се главни ликови во новата божиќна реклама на Coca Cola која наликува на новогодишна Disney бајка со препознатливиот камион со светилки, а и оваа година е направена со вештачка интелигенција, но многу подобро од минатогодишната.

Кога ќе го видиме црвениот Coca Cola камион со светилки како минува низ снежни покривки, заедно со препознатливата мелодија на „Holidays are Coming“, и сите кои со нетрпение го очекуваат Дедо Мраз – знаеме дека празниците навистина се ближат.

Божиќната реклама за 2025 на Coca Cola пристигна и со тоа официјално започна празничната сезона.

Со оглед на тоа што вештачката интелигенција зема замав, оваа година брендот повторно на овој начин ја направи рекламата наместо со вистински луѓе.

Минатата година многумина не беа задоволни, а овој пат, се смета дека е многу подобро направена и дека сепак пренесува топлина која сите сакаат да ја почувствуваат во овој период.

За продукција на спотот, Coca Cola најмиле студио за AI од Лос Анџелес, а во рекламата сите објекти и животни се направени со вештачка интелигенција, како и единствената личност, Дедо Мраз, според оригиналните цртежи на брендот.

Од компанијата веруваат дека од лани досега, многу работи се сменети и во технологијата и во општеството, па сметаат дека сега луѓето ќе бидат посреќни од резултатот.

Сцената наликува како зимска Disney бајка, исполнета со многу панди, фоки и други животни, со шише Coca Cola во рака, кои со радост го следат празничниот камион како ја носи магијата и на крај секако, се појавува Дедо Мраз.

Сепак, оваа реклама не е достапна на YouTube во нашата држава, кликнете на Инстаграм објавата за да ја погледнете:

Рекламата која е достапна за нашата земја погледнете ја во продолжение:

M. M. | Црнобело