Како во цртан филм: Пештерска куќичка на Фред Кременко

Погледнете како изгледа изградената куќа во Калифорнија, чиј сопственик се потрудил до детал да го преслика домот на познатиот јунак од цртаните филмови.

Куќата се наоѓа на стрмен рид во Малибу, САД и моментално се нуди за продажба за 3,5 милиони долари.

Иако од надвор не изгледа нешто посебно, овој специјално дизајниран дом има што да понуди.

Архитектонски необичното одморалиште има големи стаклени прозорци во секоја соба кои даваат неверојатен поглед на Тихиот Океан, Kаналските острови, Планините Бони и Долината Серано.

Иако има само една спална соба, поседува две бањи и целокупно има изглед како пештера.

Се наоѓа на имот со големина од 23 хектари и како архитектонско чудо е класифицирана како знаменитост во Малибу.