„Мислев дека мајка ми била модел во Русија, но се рекламирала како ’невеста по нарачка‘ во списанија за да се пресели во друга земја“

„Се сеќавам дека еднаш мајка ми беше со маж од Холандија. Живееше таму со него, но по караница му уништила многу предмети низ домот и се разделија.

Се врати во Русија, па потоа кај нас дојде Англичанец. Се раздели и со него бидејќи рече дека сме живееле како свињи и сме немале канализација во домот.

Потоа конечно го сретна Американецот и одлучи да оди кај него. Сега кога знам дека била ’невеста по нарачка‘, сите тие мажи ми имаат повеќе смисла“.

Штом Јулија се согласила да му биде сопруга на Американецот, почнала да бара начин да ја земе и Катја.

Катја, пак, била уверена дека нејзиниот биолошки татко не ја сака, но кога ја дознала вистината, почнала да го бара.

Кога стапила во контакт со него, дознала дека Јулија ја лажела. Кога Јулија сакала да ја носи Катја во САД, морала да добие дозвола и од него, бидејќи девојчето било малолетно.

Па, смислила лага:

„Тогаш бев болна и семејството мислеше дека има пневмонија. Тој период во Русија беше тешко да се допре до медицинска нега, но кај народот постоеше верување дека морето може да излекува сè.

Па, мајка ми му кажала на татко му дека ќе ме носи на одмор во Мексико за да оздравам. Тој се согласил и потпишал дозвола, очекувајќи да се вратам за неколку недели. Но, јас и мајка ми никогаш не се вративме“.

Кога пристигнале во Мексико, Катја ги немала потребните документи за влез во САД, па пробувале да ја пренесат нелегално.

„Се сеќавам дека нè вратија неколкупати на границата. Потоа мајка ми стави ќебе врз мене и ми рече да бидам тивка“.

Кога татко ѝ дознал што се случило, безуспешно пробувал да допре до неа, а како што растела, Катја го заборавала.

„Еднаш дојде кај нас и кога ја прашав мајка ми кој е, ми рече дека ми бил татко, но ме мразел. Па, пораснав мразејќи го татко ми бидејќи мислев дека не ме сака“.

Татко ѝ престанал да се обидува да ја контактира, но во 2020-та Катја налетала на неговиот Фејсбук профил.

Дотогаш таа ја знаела вистината за мајка ѝ, но уште верувала дека татко ѝ ја мрази. Решила да му прати покана за пријателство со надеж дека ќе добие некаков одговор.

На нејзино големо изненадување, дознала дека татко ѝ сонувал дека некогаш ќе ја види.

„Оттогаш не престанавме да зборуваме и неколкупати бевме на патување. Имам и полубраќа и полусестри кои ги сакам.

Кога ми кажа дека ме сакал и дека никогаш не сакал мајка ми да нè раздели мислам дека излекува нешто во мене.

Во животот сум имала многу очуви и ме третирале лошо, па на почетокот не му верував. Но, тој пробал да се бори за мене“.

Иако вели дека денес ја разбира, Катја нема контакт со мајка ми.

„Ме оттргна од целото мое семејство. Овде немам никој поради неа.

Не сме зборувале веќе осум години. Има многу причини, но главно е поради сите нејзини сопрузи и лагите што ми ги кажуваше“.

Спирова С. | Црнобело