Освежителни салати со лубеница

Лубеницата е кралица на летните освежувања. За сите што уживаат во сочно црвено парче имаме три предлози за необични салатки совршени за овие жешки денови.

Салата со моцарела

• 150 - 200 грама диња
• 150 - 200 грама лубеница
• 100 - 200 грама моцарела
• 1-2 лажици мед
• малку ситно сецкан свеж босилек

Во длабока чинија ставете ги дињата и лубеницата исецкани на мали коцки и ситно сецканиот босилек, па добро измешајте.

Додадете мед врз овошјето и ставете ги топчињата моцарела пресечени на половинки или четвртинки.

По желба може да додадете и половина лажичка сол и/или 1-2 лажички чили/ситен буковец.

Кришки со нане

• Околу 2-3 kg лубеница
• 4 лимони (или зелени лимони)
• 120-150 g шеќер
• листови нане
• (Прилагодете ги количините по вкус)

Исечете ја лубеницата на кругови дебели 5cm, а секој круг на четвртини. Во длабока чинија ставете го сецканото нане и прелијте го со 2 лажици лимонов сок, додадете го шеќерот и добро мешајте.

Наредете ги кришките и врз нив исцедете 2 лимона. Попрскајте со смесата од нане и шеќер.

Лубеница со кромид

• 400-500 g лубеница
• мала главица црвен кромид
• 2 лажици урда или иситнето сирење
• 2 мали лажички оцет (балсамико)
• бибер
• малку свежо нане

Лубеницата исечете ја на мали парчиња и обидете се да ги извадите сите семки. Лубеницата и кромидот промешајте ги во оцет и бибер, па попрскајте ги со тенко сечени парченца кромид, сирење и ливчиња нане по желба.