Пристигна трејлерот за „The Carrie Diaries“

Повеќе од една година се шпекулира за серијата The Carrie Diaries.

Многумина ги интересираше кој ќе ја глуми младата Кери Бредшо, земајќи предвид дека дејствието се одвива во 1984 година, во време кога Кери била тинејџерка.

Трејлерот на новото остварување на креаторот на Sex And the City, започнува со враќањето на Кери на училиште, откако мајка и починала и предлог од татко и, кој ќе и го промени животот од корен.

Тинејџерката тргнува во поход на Менхетен, каде преку стажирање стигнува до своите први искуства во медиумската индустрија во Големото Јаболко.

Првата епизода е планирана да биде премиерно емитувана во јануари 2013 година.