Подгответе: Слатко задоволство со бело чоколадо и фстаци

Интересен слатко - солен спој на чоколадо и фстаци, кој многу брзо може да стане ваш омилен вкус.

Ви нудиме едноставно и неверојатно сладок десерт кој може да го приготвите за помалку од 20 минути.

Потребни состојки за 6 чашки мус:

- ½ шолја исчистени фстаци
- 100 gr бело чоколадо
- 180 ml јогурт
- 180 ml слатка павлака
- 4 белки
- 1 лажичка екстракт од ванила
- 2 лажици шеќер во прав

Фстаците мора да бидат добро измелени во блендер или машина за мелење. Чоколадото се топи на пареа, додека не добиете еднолична смеса.

Со миксер изматете ги павлаката, екстрактот од ванила, а потоа додадете го јогуртот. Треба да добиете средно густа, соединета смеса.

Во посебен сад се матат белките и шеќерот. На крајот се мешаат топеното чоколадо, смесата од павлака и јогурт, како и изматените белки.

Добиениот мус се служи во стаклени чаши во кои ставате ред мус, ред мелени фстаци. По желба може да додадете и по некој цел фстак за појак вкус. На крајот оставете го во ладилник да се олади и згусне и вашиот десерт е готов.

Споделете со вашите најблиски и уживајте во малото слатко задоволство кое ќе им го приредите!