Се снима Fast and Furious 6?

Веројатно на сите фанови на овој филм, или може да се рече серија на филмови, „Брзи и бесни“ како и на сите љубители на автомобили, ќе им биде мило кога ќе дознаат дека се снима шести дел од познатата акција.

Како и во сите делови главната улога ќе ја имаат Пол Вокер (Брајан Оконер) и Вин Дизел (Доменик Торето), иако Дизел се појавува во три од вкупно пет дела, а овој пат повторно ќе го видиме раперот Лудакрис и Двејн Џонсон – попознат во филмскиот свет како „The Rock“.

Засега нема многу информации за приказната, но со оглед на тоа дека се снима во Лондон, можеме да очекуваме интересна бркотница низ лондонските улици или плоштадот Трафалгар.

Првиот трејлер се очекува да се појави во текот на декември или јануари, а премиерата на филмот е закажана за 24 мај, 2013 година.