Кој се крие зад Фејсбук и Твитер профилите на ѕвездите?

Оливер Лакет е човекот кој е задолжен за постовите на познатите личности на профилите на социјалните мрежи, за фотките, видео снимките, духовитите коментари...

Ако ја следите Ријана, Том Хенкс, Шарлиз Терон на Фејсбук, или Твитер, сетете се дека зад сите нивни досетки стои токму Оливер – нивното алтер его.

Оливер Лакет има 38 години и кога не лудува низ Лос Анџелес во својот „Астон Мартин“, тогаш обиколува различни точки на планетата.

Пред 2 години дал оставка во компанијата „Волт Дизни“ каде се грижел Пепелашка и другите цртани јунаци да бидат присутни на социјалните мрежи. По ова, ги презема пејачите и актерите во компанијата „The Audience“.

Негови клиенти се Марк Валберг, Шарлиз Терон, Ријана, Том Хенкс, Џек Блек, Еди Марфи, Хју Џекман, Питбул и ЛМФАО – што би значело дека зад Фејсбук, Твитер, Јутјуб и Гугл+ на овие ѕвезди се крие токму Оливер.

Еве го и рецептот како “The Audience” заработува милиони. Филмските и музичките студија плаќаат за спонзорирани постови – „Универзал“ плати за на ѕидот на Марк Валберг да се објави материјал од филмот „Тед“. Кога позната личност како Шакира преку социјалните мрежи ќе продаде нешто (апликација, маици и сл.) Лакет го добива своето парче од колачот.

Британскиот комичар Расел Бренд вели дека “The Audience” помага да му се распродадат настапите. Тие го советуваат за турнеите кои се планираат врз база на тоа од каде доаѓаат најголем број од неговите фанови.