„Тато” е најпосакуван новогодишен поклон

На детските желби и побарувања од Дедо Мраз им нема крај. Но, оваа година нешто е поразлично.

Наместо долгите листи со скапи играчки и игри, сега постојат многу потешки и поемоционални барања.

Според најновите истражувања, во кои беа вклучени деца на возраст од 4 до 12 години, покажа дека децата се спремни да се откажат од најновите iPad производи, играчки и друштвени игри.

За сметка на тоа, прв најбаран поклон се брат или сестра, потоа следи таткото, како и вистински ирваси или пак домашно милениче.

Мајката „како поклон” е дури на 23то место, што покажува дека децата низ светот се повеќе запоставени од своите татковци отколку мајки.

Со текот на времето изгледа и најмладите се менуваат. Нивните желби сè повеќе се темелат врз нивните неопходни потреби, отколку врз материјалните задоволства.