Декорирајте го домот со уникатни ѕидни налепници

Ѕидните налепници се производ кои ќе ви помогне во декорирањето на внатрешниот простор во домот. Одлично се вклопуваат во секоја соба.

Во зависност од бојата и стилот на мебелот, одберете налепници кои ќе го одвлечат вниманието и ќе ја разубават атмосферата.

Во дневната соба користете ги како декорација на ѕидовите кои што се речиси празни, како што често се оние над фотелјата, двоседот или троседот. Избегнувајте да ги комбинирате со многу полици, натрупани со сувенири бидејќи тогаш се губи нивната првична функција – уникатноста.

Одлични се за во спалната и детската соба, бидејќи ја разубавуваат атмосферата. За во спалната соба одбирајте смирени, неутрални нијанси кои дискретно ќе ја декорираат ѕидната површина, додека во детските соби може да експериментирате со многу бои, дезени и фигури.