Брз чоколаден колач во чаша

Овој колач се прави многу брзо, за неполни 10 минути а може и помалку. Потребна ви е голема шолја за чај и сами смислете го вкусот на вашето колаче.

Можеби токму тоа е одличната карактеристика на овој колач –сами го обликувате и ги менувате состојките според вашиот вкус. Како додаток може да искористите чоколадни трошки, чоколаден крем, ситно сечкано овошје или шлаг.

Потребни состојки:

• 1 јајце
• 1 лажица како во прав
• 3 лажици брашно
• Четвртина лажичка прашок за печиво
• 3 лажици шеќер
• 3 лажици млеко
• 2 лажици масло

Дополнителни состојки:

• Кокосово брашно
• Пире од банана
• Нутела
• Лешници, ореви, бадеми
• Сечкана чоколада
• Овошје по ваш избор

Подготовка:

Земете голема шолја и во неа истурете го јајцето, млекото и маслото. Потоа додавајте ги останатите состојки во прав, односно брашното, шеќерот, прашокот за печиво и какаото. Добро промешајте.

По желба во смесата може да додадете топено чоколадо, чоколаден прелив или чоколадни трошки.

Печете во затоплена рерна од 3 до 5 минути или микробранова исто толку време. По сопствен вкус и желба откако колачот ќе биде готов може да го украсувате со сè што ќе посакате.

Уживајте во брзиот и вкусен десерт!