Уредете го домот во боемски стил

Доколку ги обожавате боите и дезените, направете неколку интересни комбинации во вашиот дом и пренесете ја креативноста во ентериерот. Експериментирајте со хипи стил, стари парчиња мебел и многу бои.

Креативност
Ако сакате да го уредите домот во боемски стил неопходно е да си поиграте со боите, материјалите и стиловите. Доколку имате добро око за деталите комбинирајте старо и ново, дрво и пластика... секоја необична комбинација има боемски шмек.

Осветлување
Лустерите кои висат одлично се вклопуваат во овој стил на уредување. Секогаш одржувајте темна и романтична атмосфера, со пригушено светло и многу свеќи.

Завеси
Тешки или лесни, темни или шарени – на вас останува изборот. Важно е да бидат впечатливи!

Кревет
Секогаш прекривајте ги со тешки и многу шарени прекривки. Додадете и многу перничиња во најразлични бои и материјали. Боемските ниски кревети се совршени ако сакате да ја доловите уникатноста. Дури и едноставниот огромен душек украсен со вистински детали изгледа фантастично.

Без празни места
Ако сакате станот да го уредите во боемски стил, нема многу место за минимализам. Ако имате празен ѕид, пополнете го со многу слики, огледала, полица со книги или голема фотелја – било што што допринесува за поголема топлина и удобност.

Никогаш не го фрлајте стариот мебел
Обичната столица секогаш може да ја префарбате или истапацирате и да изгледа помодерно од било кога. Малите масички обојте ги, украсете ги и користете ги повторно. Ќе бидете зачудени колку модерна целина може да создадат.

Сè е во деталите
Може да си поиграте со било што ќе ви падне на памет. По ѕидовите закачувајте уникатни уметнички фотографии, правете колажи или пак редете уникатни сувенири по сите полици низ станот. Никогаш не заборавајте дека нема мерка кога станува збор за удобното боемско шаренило.