4 супер трикови против непријатниот мирис на чевлите

Омилените чевли после целодневното носење неминовно ќе попримат непријатен мирис. Но, не станува збор за лоша хигиена на стапалата, туку за спојот на пот и чевли што создава совршена подлога за раст на бактерии.

За да се намали, или реши тој проблем не мора да се фрлат чевлите, или да се уништат со перење. Решението побарајте го во вашиот дом.

Еве 4 експресни решенија против непријатниот мирис на чевлите:

1. Во внатрешноста на чевлите посипете сода бикарбона и оставете така да стои преку ноќ. Наутро истресете ги, или исчеткајте го правот и чевлите нема повеќе да мирисаат непријатно.

2. Ако сакате дополнително да ги освежите чевлите во шишенце со распрснувач помешајте малку алкохол, вода и неколку капки етерично масло од лимон или портокал, испрскајте ги чевлите и оставете да се исушат.

3. Во памучни чорапи ставете прашок за печиво, сода бикарбона и пченкарно брашно, па чорапите ставете ги во чевлите. Оставете ги така да постојат преку ноќ, па утредента вашите чевли ќе бидат свежи.

4. Во чевли, или чизми ставете по едно миризливо марамче и оставете го да стои сè додека не ги носите повторно чевлите или чизмите. Тоа ќе го впие вишокот на влага и ќе остави пријатен мирис.