Пиво во лименка или шише?

Звукот на отворање на лименка пиво е звук кој во истиот момент создава желба да се земе голтка од пијалакот, но повеќето фанови на пиво ќе ви кажат дека пивото е вистински вкусно кога доаѓа во стаклена амбалажа.

Во прилог на тоа зошто стаклената амбалажа е подобра од лименката многумина одговараат дека првично шишињата поубаво и попривлечно изгледаат кога се наредени на полиците во маркетите. Формата на пивското шише може да варира и постојано да изгледа софистицирано, додека лименката нема многу варијации во изгледот.

Меѓутоа, ако сакате да вкусите квалитет, треба да знаете дека лименката е далеку подобра опција од стаклото. Иако и шишињата се херметички затворени како и лименките, сепак на вкусот на пивото може да влијае и светлината која стаклото ја пропушта.

Светлината му штети на вкусот на пивото, бидејќи ако шишето е подолго време изложено на светлост пивото добива непријатен мирис. Токму заради тоа повеќето пивски шишиња се темно кафени или зелени, но светлината и понатаму пробива.

Од друга страна тенкиот лим совршено ја блокира светлината.

Лименките, исто така се многу поевтини за транспортирање и можат лесно да се рециклираат. Ако се случи да ви испадне лименката од раце, таа нема да се искрши на парчиња.

Токму поради овие причини некои светски компании почнаа да произведуваат и шишиња направени од лим.

Па, ако бар малку се грижите за планетата, но и до вкусот на вашето пиво, лименката е единствено решение. Ако сепак не сакате да пиете од конзерва, секогаш можете да си го сипете во стаклена амбалажа – чаша.

Па кој тип на пивоман сте вие? Лименка или шише?