Како да ги преспиете топлите ноќи?

Добар дел од луѓето мислат дека е доволно да се разголат и да отидат на спиење за да ја победат топлината, но тоа не е вистина. Всушност, лесните пижами од свила или памук многу подобро ја регулираат телесната температура.

До 4 часот наутро телото ја ослободува топлината преку стапалата, рацете и лицето, па ако нешто го попречи тој процес нема да можете да заспиете. Затоа, покривајте се со природни материјали и прекривачи од памук и свила, кои најдобро ја регулираат температурата.

Ако знаете дека следат високи температури и во текот на ноќта, навлаката за перница ставете ја на ладна површина или во кеса и фрижидер. Звучи смешно, но разладете ја перницата на секој можен начин ако сакате полесно да заспиете.

Направете одлична циркулација во спалната соба, но не да оди директно во вас. Кога ќе легнете, секогаш спијте со раширени раце и нозе, за да не се потите.

Ако и покрај сето ова не успеете да заспиете, во текот на вечерта разладете ги зглобовите со ладни облоги. Но, никогаш не заспивајте со тие облоги. Доволни се 5 минути за да се разладите, а да не настинете.