Подгответе: Шарени летни тестенини

Летото често пати ни го оневозможува готвењето во текот на денот, бидејќи за време на жешките денови ретко кога сме гладни. Но, затоа кога ќе залади, во вечерните часови надокнадуваме.

Ова е една идеја како да подготвите брз и здрав оброк во кој ќе уживате со целото семејство или најблиските пријатели.

Состојки за 4 порции:

• 100 ml сос за салата, по желба
• 100 ml јогурт со ниска масленост
• Ситно сечкан копар
• 150 g макарони
• 150 g грашок
• 1 жолта пиперка, ситно сецкана
• 1 црвена пиперка, ситно сецкана
• 75 g кашкавал, сецкан на мали коцки
  
  

Подготовка:

Помешајте го сосот, јогуртот и копарот во поголем сад за салата. Сварете ги тестенините како и обично и 3 минути пред да бидат готови, додадете го грашокот.

Во садот за салата додајте ги тестенините со грашок, ситно исецканите пиперки и кашкавал.

Добро промешајте и оладете пред послужување!