Како да подготвите вкусни тестенини?

Омилениот летен оброк на многумина во себе крие неколку тајни за многу подобар вкус од вообичаено. Не очајувајте ако не можете да ја погодите совршената цврстина на пастата. Само следете ги овие неколку едноставни правила кои ќе ве претворат во врвен мајстор.

1. За варење на тестенините користете големи лонци. Полесно е, а и имате поголема прегледност.

2. Не додавајте масло во водата. Водата засолете ја дури кога ќе проврие, бидејќи тестенините се тогаш највкусни. Имајте на ум дека на половина килограм тестенини се ставаат околу 2 лажички сол.

3. Тестенините промешајте ги штом ќе ги ставите во водата и неколку пати додека се варат, за да не се залепат на дното.

4. Ако на пакувањето пишува дека треба да ги варите 10 минути, пробајте ги една минута порано. Свежата тестенина испливува на површината штом е готова.

Што никако не смеете да правите?

1. Никогаш не ги кршете тестенините пред да ги варите.

2. Маслото за готвење никогаш не е добра идеја. Доволно е да промешате за да не се залепат. Ако додадете масло подоцна ниту еден сос нема да се одржи на тестенините.

3. Отприлика една шолја од водата во која ги варите тестенините додајте во сосот кој го подготвувате.

4. Никогаш не ги поминувајте со вода сварените тестенини, ќе изгубат половина од вкусот кој ви е потребен.