Уметнички слики насликани со прсти на iPhone

Јапонецот Сеику Јамаока, кој студирал на уметничкиот факултет во Осака, создал колекција од живописни слики кои изгледаат како масло на платно.

Сепак, сликите се насликани на iPhone со помош на апликација за цртање со прсти. Користејќи ја апликацијата „Арт Студио“, Сеику Јамаока, сликал убави Јапонки, волци, интересни пејзажи, а секоја негова слика е еднакво неверојатна.

Оваа година ја одржал и својата прва изложба во Кјото, а видеата на кои се гледа како тој ги создава овие неверојатни дела, се вистински хит на интернет.

Овој уметник, исто така црта и на iPad mini, или iPad Touch, додека патува на работа. За да направи вакви фасцинантни дела, постојано ги пребарува и испробува опциите за зумирање, водејќи сметка за секој детаљ.

За секој цртеж му се потребни три до четири часа, а кога му досадуваат електронските направи, се префрла на вистинско платно.