Tоплo чоколадo на неколку нови начини

Денес мислете на калории и задоволство, препуштете му се на неодоливиот вкус на чоколадниот пијалак, подготвен на неколку нови начини.

Бела чоколада со ментол

Потребно ви е:  1 шолја млеко, 1 шолја течен шлаг, 110g бела чоколада, половина лажичка екстракт од пеперминт.

Подготовка: Загревајте го млекото и шлагот на средна температура околу 5 минути. Измешајте го и чоколадото и загревајте додека не се растопи. Додајте го екстрактот од пеперминт и мешајте додека течноста не се згусне. Послужете во големи шолји и наросете уште малку бело чоколадо, кокос или ливче ментол.

Вкусни додатоци

Потребни ви се сите омилени бомбони – чоколадни, со карамела или со кокос.

Во штотуку послужената топла чоколада додадете неколку бомбони по ваш вкус и уживајте во неодоливиот шмек.

Зачини

Циметот, ванилиниот шеќер, оревчето, кората од портокал или темното какао може да бидат феноменален начин за збогатување на вкусот.

Кафе или еспресо

Направете темна топла чоколада, па додадете 1-2 лажици силно еспресо или било какво инстант кафе, по ваша желба.

Необични додатоци

Ако сакате да експериментирате со вкусовите, додадете бомбони со вишни, цели кандирани вишни, портокал, праска... Додадете и неколку лажици овошен сок за да го засладите пијалакот. Исто така, обичното кравјо млеко обидете се да го замените со кокосово или соино.