Би јаделе ли во тоалет – ресторан?

„Magic Restroom Cafe“ е оригиналното име на првиот тоалет-ресторан отворен во Лос Анџелес. Модерен, порцелански амбиент во кој целосната тематика на ентериерот е тоалет или бања.

Ова е првиот ваков тематски ресторан во Америка, кој има за цел да даде еден поинаков амбиент на сè што е досега видено. Вакви ресторани веќе има во Јапонија и Кина каде одлично се прифатени и посетени. Па, очигледно трендот продолжува да се шири.

Што можат да очекуваат Американците доколку го посетат ова ново место?

Кога ќе влезете во кафе барот ќе ги видите ѕидовите на кои има вистински, но за среќа нефункционални тоалетни школки. Во просторијата за вечери се поставени тоалетни маси и декорирани тушеви.

Садовите во кои се служи менито се исто така додатоци за во бања, а секако и на менито се наоѓаат специјалитети кои имаат имиња како нешто што доаѓа од тоалетите: „black poop“ (чоколаден колач), smells-like-poop“ (потпечен ориз), „bloody number two“ (колач од ванила и јагода). Сепак, за среќа се вкусни. Но потребна е храброст да се нарачаат и пробаат.

Оние кои се заинтересирани за да пробаат нешто ново, овој ресторан е отворен секој ден од 11 часот наутро до 11 часот навечер.

Пријатен апетит!