Фотографијата која ги сруши сите предрасуди и одушеви милиони луѓе

Оскар Исаак Теил не ни сонувал дека заради нешто сосема нормално ќе стане интернет сензација.

Овој 65 годишен човек, ортодоксен евреин, патувал со подземна железничка во Бруклин, кога еден непознат Афроамериканец заспал на неговото рамо и така останал повеќе од половина час.

Само неколку минути подоцна, еден случаен патник го зачудила оваа глетка, па го прашал Оскар дали сака да му помогне да се ослободи од непознатиот човек, на што Оскар му возвратил:

„Имал напорен ден, оставете го да спие. Сите некогаш сме се нашле во неговата ситуација.“

Третиот патник со својот мобилен телефон го овековечил овој необичен поглед, а фотографијата во истиот момент го започна патот околу светот на социјалните мрежи.

Теил е навистина зачуден од вниманието кое го добил за еден сосема обичен гест. Неколку часа откако фотографијата се појавила, му се јавила неговата сестра и му признала колку е горда на него, а наскоро добил и огромен број на повици од неговите најблиски.

„Само го оставив да се наспие“ беше приказната на Теил, обидувајќи се да ја каже наједноставната страна на оваа интернет приказна.