Подгответе го телото за скијање без повреди

Слабата телесна форма е една од главните причини за бројни повреди кои се случуваат секоја година на стазите за скијање.

За да ги избегнете повредите и да уживате на снегот, со подготовките би требало да започнете најмалку 2 недели пред да застанете на скии.

Без оглед дали сте почетник или искусен скијач, погрижете се за својата безбедност со време.

Најчести повреди

Секоја година на стазите за скијање се повредуваат илјадници, но најчести се повредите на главата, рамениците, колената, но се поприсутно е и воспалението на мусклули.

Повредите најчесто се лесни, но тоа не значи дека повредите на лигаментите на колениците, скршениците или потресот на мозокот ќе ве одбегнат.

Посветете посебно внимание на растегнување на мускулите и раздвижување на зглобовите, затоа што повредите најчесто се последица на недоволна раздвиженост. Исто така, не ја заборавајте додатната опрема!

Кои вежби се препорачливи пред скијањето?

Работете на флексибилноста на мускулите така што ќе започнете со лесно трчање од 10тина минути или брзо одење. На секои 3 дена зголемувајте го времето и темпото.

Пожелно е да го комбинирате со аеробик вежби и кондициони тренинзи за издржливост.

Аеробните вежби се корисни како тренинг за дишните патишта и кардиоваскуларниот систем, за полесно да се привикнете на различната надморска висина, но и долготрајниот напор кој ќе го вложувате.

Кои мускули треба посебно да ги зајакнете?

Посветете им се на долните екстремитети, затоа што тие се најоптеретени во секој зимски спорт. Одлични вежби кои можете да ги правите дома се чучнувањата и исчекорите.

Секогаш е добро да започнете со статични вежби кои го држат телото во одредена положба, а по неколку тренинзи да се префрлите на подинамични вежби.

Задолжително посветете неколку минути дневно на зацврстување на стомачните и грбни мускули. Ако трупот не ви е доволно цврст, ризикувате да ја ослабете функцијата на сите останати мускули на телото, затоа што ниту еден мускул не функционира одвоено од другите.

Неопходен е одмор

Ако почувствувате било каква болка за време на тренингот или скијањето, задолжително престанете со активноста.

Доколку ја занемарите болката, го отежнувањето лечењето. Мирувањето е неопходно се додека местото не се релаксира и не се изгубат сите знаци на воспаление.

Нанесувањето на студени облоги и лесна масажа со ледени гелови неколку пати дневно ќе ви ја олеснат секоја болка, посебно воспалението на мускулите.

Не заборавајте на патната аптека

Никако не заборавајте да понесете аналгетици и лекови против зголемена температура.

Геловите за масажа исто така се секогаш добредојдени. Но, потрудете се да немате потреба од нив!