Водич за отстранување на празничните дамки

Празничните забави и вечери задолжително завршуваат со тврдокорни дамки кои е прилично тешко да ги исчистите. Но, за секој проблем постои и решение...

Сос од месо

Негативната страна на вкусниот месен оброк е тоа што по него остануваат масни и темни дамки. Ако и вие се соочувате со тој проблем, со мека крпа и вода отстранете што повеќе можете од дамката, а потоа втријте малку течен детергент. Оставете ја ткаенината преку ноќ да отстои во топла вода. Следниот ден исперете го материјалот во машина за перење на висока температура.

Чоколадo

На дамките од чоколада доволно е само да нанесете детергент и да перете на висока температура. Слободно користете и средства за дамки кои не ја уништуваат бојата.

Шумско овошје

Сосовите и кремовите на база на шумското овошје се ноќна мора за секоја домаќинка. Отстранете ги така што покрупните остатоци ќе ги отстраните внимателно, со мал сунѓер, а потоа ткаенината потопете ја во литар вода во која ќе помешате 1 лажица бел оцет и половина лажица течен детергент. Потребно е да отстои најмалку 15 минути во оваа течност пред да ја исперете ткаенината.

Восок

Дамките од восок многу полесно ќе ги отстраните ако најпрво ги стврднете со коцка мраз, а потоа со нож отстранете ги. Потоа, над и под дамката поставете тоалетна хартија и притиснете со топла пегла. Држете ја пеглата се додека хартијата не го впие целиот восок од ткаенината.

Црвено вино

Дамката од вино најпрво исчистете ја со крпа, а потоа потопете ја во ладна вода или безбоен алкохол и исперете со оцет или кисела вода. Ако ткаенината не е премногу деликатна, можете да ставете и сол, да ја оставите неколку минути, па да ја измиете со вриена вода.