Што да правите кога ќе си го изгорите јазикот?

Не постои човек кој најмалку еднаш во животот не се изгорел од жешка храна, кафе или чај. Искуството покажува дека тоа најчесто се случува со топено сирење, компир или месо, затоа што овие намирници најдолго ја задржуваат топлината.

Изгореницата на јазикот е идентична како и на било кој дел од телото, но разликата е во тоа што не може да се третира со лед или на друг вообичаен начин.

Заради чувствителноста, јазикот може да ве боли дури 3 дена, да биде црвен и потечен.

За да ги ублажите болките и изгорениците, напијте се една голтка ладна вода и држете ја на јазикот додека не се загрее. Повторувајте ја постапката неколку минути.

Се додека имате изгореница на јазикот избегнувајте ги топлите пијалаци и храна, затоа што само ќе ја влошите состојбата. Во тие неколку дена разладувајте се со јогурт, пудинг, сладолед...