Како да се ослободите од мирисот на лук и кромид?

Кромидот и лукот се можеби највкусните додатоци во свежите салати и сосови, но потоа останува еден огромен проблем - непријатниот мирис во устата.

Не паничете. Ако ручавте сос со лук или свежа шопска со кромид, а вечерта закажавте важен состанок, имате неколку решенија.

Освен хигиената, овие неколку намирници ефикасно го уништуваат непријатниот мирис:

1. Сенф - Ставете малку сенф во мала лажичка и задржете го неколку секунди во устата. Плукнете, па потоа земете уште половина лажичка сенф кој ќе го проголтате.

2. Листови од ментол и магданос - Џвакајте ги свежите листови неколку минути, додека можете.

3. Големи количини зеленчук - Компирите, печурките, лимоните и морковите во свеж или варен облик ги неутрализираат мирисите. Затоа, кромидот и лукот комбинирајте ги со овие зеленчуци како паметна превентива.

4. Леб - Мала количина од јаглени хидрати исто така ќе ви помогнат во борбата со непријатниот мирис. Затоа, погрижете се да имате барем едно парче леб во вашиот следен оброк.

5. Зелен чај и лимонада - Свежиот мирис и вкус на овие пијалаци има ист ефект како и гумата за џвакање.

6. Вотка - Алкохолот ги убива сите бактерии во устата, кои го создаваат лошиот здив. Вотката е одличен избор затоа што е чист алкохол, без додадени бои и ароми.

7. Млеко и јогурт - Млечните масти од млекото и јогуртот исто така ги неутрализираат сите мириси во устата.

8. Лимон - Свежите парчиња лимон е ефективен борец против бактериите во устата. Изџвакајте неколку резенки веднаш по оброкот за брзи резултати.