Надмудрете ги комарците!

По обилните дождови кои се случија, најверојатно ќе следи напад од комарци. И покрај стандардното прскање тие секогаш го пронаоѓаат патот до вашата спална соба.

За да не чекате и да не се надевате дека немате „слатка крв,“ добро би било да ги надмудрите со неколку трикови.

На балконите, на прозорите или на терасата добро би било да распоредите:

- Неколку саксии со босилек или ментол, затоа што комарците не ги поднесуваат овие мириси.

- Една или повеќе шолји наполнети со чај и изгмечено чешне лук.

- Неколку портокали во кои ќе боцнете зрна од каранфилче.

Навечер, пред да ги запалите светлата во домот, испрскајте го домот со мирис од лаванда или есенцијални масла од различни билки.

Најпознати мириси кои ги одбиваат комарците се лимоновата трева, мирисот на босилек, ментол, рузмарин и бор.

Со кој трик вие го штитите домот од комарци?