Приказната која го обиколи светот - Чичкото со големо срце за Бразил

Сигурно го забележавте чичкото со бели мустаќи кој го прегрнува трофејот на трибините во Бразил.

Еден од највеселите ликови на малите екрани сè до последниот катастрофален меч за Бразил, кога го претрпе најголемиот пораз од Германија.

Секој го препознаваше додека го бакнуваше трофејот, верувајќи дека Бразил е сигурен патник во финалето.

Но, во еден момент се случи првиот гол да ја затресе бразилската мрежа. По него следуваа и вториот, третиот....сè до седмиот.

Неговиот лик беше еден од најтажните и најразочараните кои ви го растопуваат срцето .

Фудбалската бајка за Бразил заврши.

Но, големината на овој човек продолжи. Тој им го подари трофејот на германските навивачи со зборови низ солзи: „Однесете го во финале. Како што гледате, не е лесен, но вие го заслуживте. Ви честитам.“

Можеби Бразилците немаа добра одбрана, но имаат големо срце. Ако помисливте дека ова е прв и последен мундијал за чичко Кловис, не бидете толку сигурни.

Кловис Фернандез бил на 7 светски првенства, па себеси се нарекува 12-ти играч во репрезентацијата. Поминал низ 60 земји за да гледа 150 натпревари во кои играл Бразил.

Првпат бил на првенството во Италија во 1990 година

Потоа во САД во 1994 година

Години подоцна истиот тој е и на трибините во Германија во 2006 година

Исто така и во Јужна Африка во 2010 година.

„Се сеќавам на Светското првенство во Мексико во 1970 година кое го гледав на телевизија и оттогаш мојата страст за фудбалот почна да расте.

Откако ја доживеав таа емоција на адреналин и страст си ветив дека еден ден ќе бидам на Светското првенство и ќе го следам Бразил до финалето.

Сонот ми се оствари во 1990 година во Италија. Тоа беше моето прво Светско првенство и оттогаш сè уште ја имам истата страст.

Бидете сигурни дека јас ќе бидам играчот со најмногу појавувања за бразилскиот тим“

Го очекуваме да се појави и во 2018 година на следното Светско првенство.