Магични употреби на солта кои мора да ги знаете

Освен како додаток во храната, овој зачин има уште многу употреби кои целосно ќе го променат ликот на вашата кујна.

Солта го извлекува лошиот мирис на садовите, го олеснува лупењето на варените јајца и се користи за зачувување на свежината од намирниците.

Во садот од сирењето додајте солена вода и на тој начин вашето сирење подолго ќе трае и ќе биде заштитено од мувла.  

Посолувањето на тропското овошје е вообичаено во топлите краеви ширум светот. Додајте малку сол на зрелите круши, дињи или лубеници и така ќе ја истакнете сочноста од овошјето. Освен тоа, пред да пржите месо или компири најдобро е пред да ги ставите во загреаното масло да ги посолите. Затоа ако сакате крцкав помфрит, посолувајте го пред пржењето или отпосле, а не во текот на готвењето.

Солта е природен конзерванс и можете да ја искористите за подолго зачувување на свежите намирници. Откога ќе отворите млеко или млечен производ додајте неколку зрна сол и неговиот рок и свежина ќе се зголемат.

Погледнете ги другите бенефиции на солта:

 Без прскање на маслото

Пред да започнете да го пржите месото или компирите во тавата додајте малку сол и на тој начин ќе го спречите прскањето на маслото.

Извадете ја горчината од зеленчукот

Горчливите краставици и тиквички оставете ги во посолена вода десетина минути, а потоа пребришете ги со крпа.

Подобар мирис

Во пластичните садови за храна додајте сол за да го спречите ширењето на непријатната миризба.

Лесно лупење на јајцата

Во водата во која ги варите јајцата додајте лажичка сол и јајцата ќе можете да ги излупите побрзо од вообичаеното.

Чистење за миг

Зеленчукот кој потешко можете да го исчистите ставете го вода со сол неколку минути, а потоа измијте го.

Поубави оброци

За да ја зачувате зелената боја од зеленчукот, а особено кај броколата,во тенџерето кое ги варите додајте сол.