Што се случува со изгубените куфери на аеродромите?

Ако некогаш сте се запрашале каде завршуваат куферите кои се изгубени на аеродромите, а никогаш не го наоѓаат патот до сопственикот, еве еден од одговорите кои ќе ви ја разјасни оваа мистерија.

Аукциската фирма Грисби во Лондон секои 2 недели организира аукција на која се продаваат куферите изгубени на аеродромот Хитроу.

На овие акции месечно се продаваат околу 200 куфери, за кои вработените на аеродромот не успеале да го контактираат сопственикот.

Верувале или не, изгубените торби се продаваат со сите работи кои се наоѓаат внатре и може да се купат за околу 16 фунти.

Кога малку подобро ќе размислите, Ким Кардашијан, Наоми Кемпбел и Викторија Бекам ги загубиле своите куфери токму на овој аеродром. Што значи, за само 16 фунти може да ви се „падне“ скап куфер преполн со маркирана облека, но ризикувате и да добиете облека без вредност, затоа што куферите се продаваат затворени.

Тоа е тоа што ја прави оваа аукција возбудлива - функционира како лотарија!

Сепак, оние кои учествуваат на оваа акција не би требало да очекуваат премногу, затоа што електричните уреди, накитот и обувките се продаваат посебно.

Статистиката покажува дека на аеродромите годишно се крадат, губат или доставуваат со задоцнување околу 21,8 милиони куфери. Но, во просек 3% од овој број или поточо 654.000 куфери се трајно изгубени.