Што се крие под вашето „Јас”?

Секој има свое “јас” кое го негува и надградува постојано, но некој воопшто не се грижи дали тоа ќе биде постојано во склоп на неговата возраст, искуство и вистинска личност.

Тоа "јас" кое го има секој човек во светот, значи одреден став кон работите, видикот на животот и однесувањето кон себеси и личностите кои го опкружуаваат.

Што се крие под вашето “јас”?

Дали вие се чувствувате дека вашето “јас” преовладува во вашиот живот или дозволувате останатите да го контролираат и да го преобразат од “јас” во “ние”?

Ова се неколку правила кои ќе ви покажат дали сте на вистинскиот пат или не:

- Секогаш знаете што сакате и како да го добиете тоа.

- Не оставате ништо на случајностa.

- Секогаш сте организирани и го планирате времето со што си овозможувате негово правилно и максимално користење.

- Знаете да им кажете “не” на луѓето без да објаснувате зошто.

- Кога некој ќе ве праша – Каде се гледате во наредните 5 години, вие точно знаете да ја опишете сликата која планирате во иднина да ја реализирате.

- Донесувате самостојни одлуки, но знаете да сослушате и примените искрен совет од блиска личност за кој сте свесни дека би ви помогнал во одлуките.

- Имате време за вашите пријатели, партнер, семејство, а најважно од се, имате време за самите себеси во кое знаете точно како да се релаксирате и да си го посветите максимално.

-Ги знаете своите мани и секогаш пробувате да ги подобрите недостатоците кај вас, но никогаш кај другите луѓе.

- Не осудувате, бидејќи знаете дека не поседувате моќ за негативно отценување на личностите во вашиот живот а и надвор од него. Тоа воопшто и не ве интересира.

- Знаете што точно сакате да поседува вашиот иден партнер.

- Не дозволувате некој друг да ги диктира правилата според кои ќе го живеете својот живот.

- Мислите дека правилно сте ја избрале својата моментална професија и знаете дека тоа е тоа што ве исполнува, во спротивно правите се за да сфатите што е тоа што ве исполнува и веднаш барате начин истото да го постигнете.

- Не им го правите на луѓето она што не би сакале тие да ви го направат вас.

- Се сакате себеси, и знаете дека тоа е најважно од се!

Доколку се пронајдовте во овие реченици, повеќе од сиурно е дека вие сте зрела, комплетна личност со свое силно јас кое е за пофалба.

Продолжете со исто темпо и секојдневно негувајте го тоа што го имате, а доколку не се пронајдовте, време е истите да ги запишете на лист хартија и да почнете да размислувате како тие можат да ви помогнат да дознаете што се крие во вашето јас.