Мобилно женско WC

Ева Тинтер многу пати се нашла во ситуација кога очајнички барала место каде би можела да се олесни. За да го избегне тој проблем, смислила...

 

... вреќичка која добро ќе и дојде на секоја жена во кризни ситуации.

Германска компанија рекламира мобилно WC за жени кое може да го собере во секоја женска чанта, а може да се користи во било кое време.

Свесни за тешкотиите со кои се соочуват жените кога треба да се олеснат, произведувачите на т.н. Ladybag веруваат дека нивниот производ ќе стане вистински хит.

Нивното мобилно WC за жени е за еднократна употреба, а се состои од пластична кеса исполнета со полимери кои ја впиваат течноста и ја претвораат во гел.

Kога е спакуван има големина на плочка чоколадо, а тоалетот на себе има широк отвор па може да се користи клечејќи, седејќи или стоејќи.

Гелот може нормално да впие нешто помалку од половина литар урина, а во итни случаи пластичната вреќичка може да задржи и околу литар.

"Може да се користи во автомобил додека патувате, на отворени фестивали кога не сакате да стоите во долгите редици за да стигнете до тоалет или кога сакате едноставно да бидете практични и хигиенски", вели изумителката Ева Тинтер.

Се препорачува еднократна употреба на Ladybag. Производот доаѓа со комплет од 3 парчиња, а чини околу 680 денари (11,3 евра).