„Трауми“ од детството: Остави го тоа е за гостите!

Се сеќавате на „траумите“ од детството кои ви ги предизвикале вашите родители за да ве воспитаат правилно?

Не се работи за лоши сеќавања, тоа се оние „трауми“ кои нè тераат да се насмееме од срце кога ќе се присетиме.

За момент, вратете се во деновите кога овие реченици беа секојдневие:

- Остави го тоа е за гостите!

- Ти трчаш околу масата, а мајкати ти ти вика „Застани, нема да те тепам!“

- Не смееш да играш во песокот со другарчињата... Се враќаш дома извалкан со песок и повторно го слушаш она „Застани, нема да те натепам!“

- Ако се вратиш дома 5 минути подоцна од дозволеното ќе спиеш во дворот!

- Ако те видам некогаш со цигара во рака, ќе ти ја изгасам од јазик!

- Кога ќе се вратам собата да ти биде средена.

- Не смееш да јадеш премногу чоколадо, чипс и лижавчиња, ќе ти се расипат забите.

- Седи мирен и гледај телевизија.

- Стави маица, блуза со кратки ракави, блуза со долги ракави, џемпер и палто. Студи надвор.

- Изеди го морковот, цвеклото, брокулата, гравот, леќата, супата...

- Заборави на џепарлакот ако имаш четворка во книшката.

- Учи математика, ќе ти треба! Како ќе одиш на пазар кога ќе пораснеш?

- Од кафето ќе ти порасне опашка.

- Немој да лажеш, носот ќе ти порасне како на Пинокио.

- Биди мирен, инаку Дедо Мраз оваа година нема да ти донесе подароци.

- Па што ако брат ти ја скрши чашата, ти си крив.

- Еве ти 50 денари, ама врати ми кусур.

Доколку се сетите на уште некоја „траума“ од детството слободно споделете ја со нас во коментарите!