Високите луѓе се посреќни

Необични и релативно непотребни истражувања има секогаш, а едно такво вели дека високите луѓе живеат подобро. Високите луѓе чувствуваат почесто...

 

...позитивни емоции, среќа и задоволство.

Во анкетата учествувале повеќе од 454.000 луѓе постари од 18 години, а сите морале да кажат колку се високи и да го оценат својот живот со оценка од 1 до 10.

Мажите чија висина е над просечната (177,8 см) редовно го оценувале својот живот како подобар од оние кои се високи под просекот. Истото се покажало и кај жените.

Освен тоа високите почесто се чувствувале задоволни и среќни, а поретко патат и се тажни.

Авторите на анкетата ова го објаснуваат со поврзаноста меѓу висината и приходите, т.е. образованието, што се поврзува со подобар живот, односно го поврзуваат со тоа дека високите луѓе заработуваат повеќе.

- Висината е важна, секогаш и била важна. Кога ќе се родите сте пониски од оние кои се грижат за вас и кои за вас се авторитет. И тоа никогаш не се менува.