Зошто ви смрдат нозете?

Причината поради која нозете смрдат е потта и бактериите кои се развиваат и произведуваат смрдливи масни киселини.

Познато е дека бактериите кои го иритираат стапалото настануваат во топли и влажни подрачја како што се местата меѓу прстите, може да доведат до уште поголемо изразување на непријатниот мирис.

Чистете го делот помеѓу прстите

Ако кожата меѓу прстите ви е влажна и црвена, веројатно имате некоја габична инфекција, односно атлетско стапало. Побарајте во аптека спреј против габички. Користете го 20-тина дена откако ќе исчезнат симптомите. Ако не успеете да го решите проблемот, посоветувајте се со лекар.

Чорапи

Не смеат да бидат претесни и важно е да ги менувате секој ден. Идеален состав на материјалот за чорапи е 60-70 отсто волна во комбинација со 40-30 отсто додадени влакна. Избегнувајте ги чорапите кои се 100 отсто памучни бидејќи тие не ја впиваат влагата, па стапалата постојано ќе ви бидат влажни.

Обувки

Избегнувајте да носите патики подолг период во денот бидејќи поради синтетиката брзо создаваат непријатен мирис. Купете си влошки кои ќе ги ставите во чевелот, но ќе ги перете секојдневно. Стручњаците велат дека би било идеално доколку сте во можност да не носите исти обувки два дена по ред, бидејќи така чевлите или чизмите правилно ќе ги исушите.

Спреј за нозе

Може да го купите во аптеките. Некои содржат антибактериски својства кои го спречуваат развојот на бактеријата која ја предизвикува смрдеата.