Пораката на неговиот автомобил му ја врати вербата во луѓето

Вообичаено е ако видите ливче залепено на вашиот автомобил тоа да е некоја казна, сметка или реклама.

Можеби некои добиваат и по некое љубовно писмо, но ретко се забележува човечката добрина и пријателство на случајни минувачи.

Сепак, постојат некои луѓе кои знаат искрено да пружат помош без да бараат ништо за возврат, туку само затоа што сакаат да помогнат или знаат да сочувствуваат и да се постават од друга страна.

На една таква ситуација наишол и еден случаен минувач кој си го имал паркирано автомобилот, но, ги заборавил вклучени светлата.

Некој друг кој поминувал на истото место и забележал дека светат светлата на паркираниот автомобил, размислил што може да се случи, па се обидел да му помогне на непознатиот човек.

Му напишал порака во која му опишува дека поради вклучените светла сигурно ќе му се потроши акумулаторот и нема да може да го запали автомобилот.

Затоа му оставил и дополнителен полнач во картонска кутија . Покрај тоа, не знаејќи за кого се работи решил и накратко да му објасни како се користи. На крај му посакал среќа и го поздравил.

Ливчето залепено на шофершајбната го изненадило возачот на автомобилот кога го нашол, па решил да го сподели и на социјалните мрежи.

Ретко се гледа ваква хуманост!