11 животни правила за мрзеливите

Мрзеливите луѓе се посебен тип на личности чии особини барем еднаш во животот ги имаме почувствувано на своја кожа.

Да бидеш мрзелив не значи да не се интересираш за она што се случува околу тебе, туку значи дека мрзеливите се доволно мудри своите обврски да ги извршуваат на најлесен начин без тоа да одземе голем дел од нивното скапоцено време.

Ова се тие неколку правила кои мрзеливите мора да ги почитуваат за да го достигнат врвот на нивната мрзеливост и да уживаат во неа максимално.

1. Ако ви се истури вода на подот, или некоја друга површина, не бришете ја бидејќи таа ќе се исуши сама, ништо страшно!

2. Наместо да ги диплите алиштата постојано во вашиот ормар, оставајте ги на една столица која ќе ви биде отворен плакар каде ќе може полесно да се справите со купот на алишта.

3. Доколку не сте во состојба да се дотерувате во фармерки или панталони, излегувајте во своите омилени тренерки не грижејќи се за мислењето на околината.

4. Валканите чинии и прибор за јадење ставајте ги во машината за садови сè додека истата не се пополни целосно, а во меѓувреме користете ги оние што останале чисти.

5. Прашината на мебелот или телевизорот не бришете ја сè додека не може да го испишете своето име на неа, а истата може да ви послужи и како телефонски именик кога тој не ви е при рака.

6. Креветот не суредувајте го секое утро, бидејќи и онака истиот го растурате секоја вечер.

7. Купувајте повеќе пара чорапи само во една боја за да не се мачите во нивното соединување после перењето.

8. Доколку ве мрзи да пречекувате ненајавени гости, на вратата поставете натпис со кој кажувате дека моментално не сте дома, но ќе се вратите за пет минути.

9. Кога ќе завршите со читање на книга, едноставно завиткајте го работ на страницата наместо да го запомнувате бројот до кој сте застанале.

10. Кога момчето/девојката ве задржува на телефон, а вас ве мрзи да зборувате, спуштете ја слушалката со изговор од типот дека ви се спие, наместо некој друг изговор кој е краткорочен.

11. Тоа што може да го направите денес, оставете го за утре!

Се согласувате, мрзеливи?