10 работи кои добро звучат теоретски, но во реалноста се невозможни

Колку пати сте имале најразлични замисли, цели, идеи кои сте длабоко уверени дека би било супер да се реализираат и на крајот се разочарувате?

Сите идеи се лесни и изводливи теоретски кога се замислуваат.

Но, она што се покажува во реалноста не можеме или не сакаме да го предвидиме, па затоа често се разочаруваме.

1. Филмски маратон

Теорија: 12-часовно гледање на сите делови од „Lord of the rings“ со многу пуканки.

Реалност: Веројатно ќе успеете само 2-3 часа да гледате и ќе заспиете или ќе ви текне на нешто поинтересно.

2. Чување милениче

Теоретски: Ќе имате слатко милениче кое ќе ве сака повеќе од кој било друг и секогаш ќе ви прави друштво.

Реалност: Ќе ви прави и многу неред, ќе остава траги зад себе и вие ќе треба да ги собирате и чистите.

3. Специјална вечера

Теоретски: Не сакате да јадете ништо 24 часа затоа што се подготвувате за специјалната вкусна вечера, на која ќе изедете сè и тоа ќе се памти.

Реалност: Не успевате да издржите, поткаснувате цел ден по малку од сè и кога доаѓа моментот за вечера веќе сте презаситени.

4. Филм според книга

Теоретски: Додека ја читате книгата веќе имате своја замисла во главата и мислите дека би било супер да се сними филм во кој ќе се пронајдете.

Реалност: Филмот не е ни блиску добар како книгата и се каете што воопшто сте го гледале.

5. Апокалипса

Теоретски: Замислувате како со најдобрите пријатели се борите со некои чудовишта, успевате да се спасите или доживувате некои авантури додека се спасувате.

Реалност: Умирате сите во еден ден.

6. Нови цели во новата година

Теоретски: Си поставувате нови цели за промена и очекувате оваа година да бидете сосема нова личност.

Реалност: Веќе поминува јануари, а вие не се ни сеќавате какви цели сте си поставиле, а уште помалку имате намера да ги исполните.

7. Гледање смешни видеа со пријателите

Теоретски: Очекувате дека листата од видеа кои ги одбравте ќе бидат супер забава кога ќе се соберете со пријателите и цела вечер ќе се смеете.

Реалност: Веројатно само вам ви се смешни, а другите се досадуваат или немаат смисла за хумор.

8. Здрава храна

Теоретски: Органска или безглутенска храна ви звучи модерно, здраво и некако специјално.

Реалност: Има одвратен вкус во споредба со пицата и ве чини двапати повеќе од останатата храна.

9. Лакирање нокти

Теоретски: Со еден потег сакате совршено налакирани нокти со интересен маникир на кој сите ќе ви завидуваат.

Реалност: Само ако потрошите 2 часа седење додека ви ги направат, да не фаќате ништо и на крај да платите, може да имате совршени нокти.

10. Учење странски јазик онлајн

Теоретски: Одите првпат во Италија, седнувате пред компјутер и за 3 дена учење преку интернет, ви се чудат Италијанците колку добро го зборувате нивниот јазик.

Реалност: Знаете да кажете: Buongiorno, Scusi, Pizza, Grazie, Ciao, но не можете ниту една реченица да поврзете.