Време за приватен живот

Научниците велат дека единствен начин за успешно да се справиме со работните задачи и со работата која носи стрес е да имаме врамнотежен приватен живот.

 

Реално - не откриле ништо ново бидејќи сите знаеме дека треба да си го организираме животот. Но, како да се постигне тоа?!

Еве ги нивните предлози:

1. Не се оптеретувајте со нешто на кое не може да влијаете. Ова е и најтешко да се оствари, но обидете се без оглед на тоа што ви се случувало на работа, сепак да се убедите дека “ионака тоа е само работа“.

2. Што ако ви се расипал компјутерот? Можете да продолжите да ги извршувате останатите оперативни работи или цел ден да бидете лути и нервозни. Се додека не се најде некој кој ќе ви го поправи компјутерот.

3. Развивајте интереси кои не се поврзани со работата - изработувајте накит, фотографирајте, играјте карти, танцувајте...и не гледајте на ова како можност за дополнителна заработка. Ова се работи кои ви го прават времето исполнето и интересно и треба да уживате во нив.

4. Потрудете се да спиете и да вежбате доволно. Колку сте поактивни во текот на денот, - подобро спиете, а колку подобро спиете имате повеќе енергија за дневните активности.

5. Потрудете се да бидете спонтани. Правете нешто поразлично и неочекувано. Од работа отидете во галерија каде никогаш претходно не сте биле. Морате да правите некоја неочекувана активност секој ден. Бирајте нешто ново и поразлично.