Едно е да советуваш, сосема друго е да критикуваш!

Оние добрите во светот нема да ја воочат разликата, но подобро е веднаш да си ги отворат очите и да сфатат дека не секој што ги советува им мисли најдобро.

Факт е дека луѓето понекогаш советуваат критикувајќи без потреба, бидејќи ако некој ти е важен и сакаш да му помогнеш со совет, секогаш ќе внимаваш да не го искритикуваш со истиот.

Овие неколку примери ќе ви помогнат да ја воочите разликата помеѓу искрен совет и прикриена критика.

Совет – Зошто не започнеш да се храниш поздраво, така ќе постигнеш подобри резултати во слабеењето.

Критика – Како ќе ослабиш ако се храниш нездраво и не се обидуваш да вежбаш интензивно. Впрочем немаш сила да вежбаш интензивно знам, но обиди се.

Совет – Започни да се посветуваш повеќе на себеси, наместо на твојот љубовен живот. Вистинската личност ќе се појави кога најмалку очекуваш во вистинско време.

Критика – Како ќе најдеш некој што ќе те сака кога не се сакаш самата? Започни да седиш дома и да се посветуваш на себеси, наместо да излегуваш со кој ќе ти текне, а потоа да плачеш дека те откачиле, како што тоа го правиш постојано.

Совет – Ајде заедно да читаме книга, да возиме велосипед, да трчаме во парк, да учиме, да созреваме, ајде заедно да се обидеме да решиме секаков проблем.

Критика – Мислам дека немаш речник, немаш кондиција, дебел/ а си, тешко ги разбираш работите односно не си интелигентен/ а и не можеш да решиш ниту еден проблем без помош.

Совет – Зошто не започнеш да шириш нови познанства, верувај ќе ти биде поинтересно, знам дека се срамиш, но ќе го надминеш срамот за брзо, ајде јас ќе ти помогнам.

Критика – Од толку што си срамежли/а се плашиш да се дружиш и со сопствената сенка, наскоро ќе останеш сосем сам и јас ќе треба да ти помагам повторно да се социјализираш.

Совет – Мораш да научиш како да се снаоѓаш сам, а јас ќе ти помогнам во тоа.

Критика – Ти си неспособен и ќе ти помогнам само бидејќи знам дека не можеш сам да научиш како да се снаоѓаш.

Совет – Твојот карактер е избувлив, јас те прифаќам каков што си бидејќи и јас бев таков во минатото, но сега ми е подобро откако се смирив, сакаш да ти покажам како го направив тоа?

Критика – Ти си бунтовник кој не знае за доста, можеби мене ми одговараш, но луѓето те озборуваат, гледај го мојот пример и смири си ги страстите што побрзо.

Совет – Мислам дека заедно треба да учиме за да го сфатиме материјалот подобро и побрзо.

Критика – Ти не разбираш, немаш способност брзо да учиш, таков си во сè што правиш во животот, но не грижи се јас ќе ти помогнам да научиш.

Совет – Мислам дека треба да намалиме со алкохолот, секако ни штети на двајцата.

Критика – Ти си пијаница, срам ми е да се движам покрај личност која пие постојано и прекоумерено, престани или нема да излегувам повеќе со тебе.

Совет – Внимавај кому даруваш доверба во врската.

Критика – Го/ Ја видов оној/ онаа твојот/ твојата вчера излезен/а  сама, внимавај да не го/ ја видиш ти со друг/ а наскоро.

Совет – Сакам да ти помогнам да ги оствариш соништата што побрзо, ќе ти откријам како ги остварив моите и истото ќе го направиш и ти.

Критика – Ништо немаш постигнато во животот, гледај јас направив сè што ветив, следи го мојот пример и започни да се будиш од соништата, оствари ги пред да ти заврши времето.

Имате ли нешто да додадете на листата?