Зошто ги лажеме децата дека ги донел штркот?

Кога децата нè прашуваат како дошле на светот, најчесто велиме дека ги донел штркот. Но, дали сте се запрашале зошто токму штркот од сите птици е тој што носи деца?

Штрковите се поврзуваат со семејството и бебињата со векови. Во грчката митологија штркот се поврзува со крадење на бебиња, бидејќи божицата Хера својата ривалка ја претворила во штрк, кој подоцна се обидел да го украде нејзиниот син.

Во египетската митологија, душата или уште наречена БА се претставувала како штрк, а враќањето на штркот значело враќање на душата или повторно оживување на личноста.

Во други митологии, штрковите се јавуваат како симбол на верност и моногамија, бидејќи се верува дека тие имаат една сродна душа за цел живот. Иако штрковите се симболички присутни во разни култури и митологии, се зборува дека приказната за носењето на бебињата настанала пред неколку векови во Германија.

Тоа е така бидејќи штрковите се птици кои на есен летаат кон југ и после девет месеци (колку што трае и бременоста кај жените) се враќаат во Европа. Штрковите обично се гнездат во текот на месец март и април. 

Знаете уште некој мит или верување на оваа тема?